هل المسؤولين يعرفو يعني ايه كلمه
(مسؤول )
الكلمه معناها ان اي شخص في منصب هيتسئل امام الله على العملو في المنصب دا
عن الناس التحت رعياتهم
عن الاطفال والشيوخ والاطفال
حتى عن الشباب والرجال
المسؤولين ال اعدين على مكاتبهم في المكيفات .. واجتماعتهم في اكبر القاعات
ومشين بالخمسه حوالين كل واحد فيهم عشان خيفين من رصاصه تدخل قلب واحد منهم
خيفين من الموت ولا من القتل
ولو اتقتلتو ... هتتقلو ليه
عمر بن الخطاب كان بيمشي في نص الليل لوحده
ابو بكر الصديق
عمر بن عبد العزيز
لكن المسؤولين فين ... والناس العظيمه دي فين
لحد امتى
؟؟؟؟؟؟؟؟؟؟؟
لحد امتى هتقولو للناس لازم تخلو بيوتكم .. وميلئوش مكان يعيشو فيه؟؟؟؟
لحد امتى العقارب والثعابين هتلدغ اطفال وهي جوا مهدها ؟؟؟؟
لحد امتى الناس هتشرب الميا القذرة وتجري تعمل غسيل كلى؟؟؟؟
لحد امتى الناس تطبخ في حجات مكان بعضها ويحطو اديهم في طبق واحد ويروحو يحللو دمهم يلائو فيرس سي هاري كبدهم؟؟؟؟
لحد امتى الشباب هيعدو من غير شغل ولما يعملو مشروع خاص يلائو الف واحد واقف قدام تحقيق حلمهم؟؟؟
لحد امتى خير البلد متاخد من اهلها ورايح لبيوت داخلها مال حرام ماهو مش من حقهم؟؟؟؟
كفايا بئا
افتكرو وقفتكم قدام وجه الكريم وسئالو ليكم عن المسؤوليه الكانت في ايديكم
ارجعو لربنا
وحسو بالناس
بلاش الحسبه البلورقه والقلم
واحسبوها بمشاعر قد تكون لسا موجوده
تخيلو نفسكم مكان الغلابه وحطو نفسكم جوا وضعهم
او روحو زوروهم في بيوتهم
عفوا
في الصفايح ال عيشين فيها
هل تقدرو تكملو ساعه جوا المكان دا
حرام بجد حرام
( كلم راع وكل مسؤول عن رعيتيه)